რა უნდა ვიცოდეთ ნივთის ონლაინ ყიდვის შესახებ:

ყველა ვებ მაღაზიას მთავარ გვერდზე აქვს ფუნქცია Register/Create account

შევდივართ და ვრეგისტრირდებით სასურველ მათგანზე. ზოგიერთი თავიდან ითხოვს მხოლოდ პირად მონაცემებს და მეილს. სხვები – მისამართებსაც.

Billing (მისამართი, რომელიც მითითებული გაქვთ საბანკო ხელშეკრულებაში ბარათის აღებისას) ანკეტაში ივსება ყველა აუცილებელი გრაფა, რომელიც აღნიშნულია ფიფქით *იმ საიტებზე, სადაც Drop down (ქვეყნების ჩამოსაშლელი სია) მენიუში მოიპოვება საქართველო.
თუ ვებ მაღაზიას არ გააჩნია სხვა ქვეყნებში გზავნა ან საქართველო არ არის მათ სიაში, მაშინ ბილინგშიც ვავსებთ გადამზიდი კომპანიის (ანუ გზავნის) მისამართს.

იმ შემთხვევაში, თუ ნივთს ვიწერთ პირდაპირ შუამავალის გარეშე, ვტოვებთ მონიშვნას My/the shipping address is the same as billing (ჩემი ანგარიშსწორების მისამართი იგივეა, რაც გზავნის), ხოლო თუ ვსარგებლობთ გადამზიდი კომპანიების სერვისით, ვხსნით ამ მონიშვნას და გზავნის ანკეტას ვავსებთ ჩვენით (კონკრეტული გადამზიდი კომპანიის მიერ გამოყოფილი მისამართი).

შესაძლებელია გამოწერა წინასწარი რეგისტრაციის გარეშეც. აირჩევა სასურველი ნივთები, მოთავსდება კალათში (Basket) ან ჩანთაში (Bag) და ხდება გამოწერა (Checkout)
შემდეგ ივსება მისამართების ანკეტები.

რეგისტრაციის პრიორიტეტი მდგომარეობს შემდეგში:
დამახსოვრებულია მონაცემები და არ გიწევთ ყოველ ჯერზე თავიდან აკრეფა. გაქვთ საშუალება ამანათის სტატუსი შეამოწმოთ შეკვეთის ისტორიის მონაცემებით (My account - Order history), ასევე იქონიოთ რამოდენიმე გზავნის მისამართი (უმეტესობა ვებ მაღაზია იძლევა ამის ნებას).

მისამართის შევსებისას შეიძლება ვებ გვერდმა ამოგიგდოთ თავისი ვერსია, თუ თქვენ დარწმუნებული ხართ, რომ ყველაფერი სწორად შეავსეთ – იგნორირება გაუკეთეთ ამ შემოთავაზებას.

შემდეგი ეტაპია ბარათის მონაცემების მითითება. იწერება 16 ნიშნა კოდი, მოქმედების თარიღი, მფლობელის სახელი და გვარი (როგორც მითითებულია ბარათზე) და თუ საჭიროა CVV კოდი (ბარათის უკანა მხარეს მდებარე 3 ნიშნა – თუ ეს ვიზა ან მასთერქარდია და 4 ნიშნა, თუ ამექსია). 

დაასრულეთ შევსება? რა არის შემდეგი მოქმედება?

ძირითადად ეს არის ყიდვა, თუმცა ზოგ შემთხვევაში არის კიდევ ერთი – მიმოხილვის ეტაპი. ყიდვისას კიდევ ერთხელ ყურადღებით გადახედეთ გვერდს და დააჭირეთ Purchase/place order ღილაკს. მიმოხილვაზე გადასვლისთვის აჭერთ Next/Proceed და ბოლოს ასრულებთ იგივენაირად (purchase/place order).

შესყიდვის დასრულებისთანავე ან 1 საათის ფარგლებში მეილზე მიიღებთ დასტურის წერილს (Order Confirmation), რაც აღნიშნავს, რომ შეკვეთა ასახულია. საბოლოო წარმატებისათვის მთავარია მოვიდეს (2-3 დღეში, ზოგჯერ მეტში) გზავნის დადასტურება (ამანათი გაიგზავნა მითითებულ მისამართზე) – Shipping confirmation და Tracking ნომერი, რომლის საშუალებითაც მეილში მითითებულ შიდა გადაზიდვის საფოსტო ვებ გვერდზე (UPS, FedEx, USPS…)
ადევნებთ თვალს ამანათს, სანამ არ იქნება მიტანილი (Delivered).

გილოცავთ, თქვენ წარმატებით შეიძინეთ სასურველი ნივთი, რომელიც უკვე მიღებული გაქვთ (თუ პირდაპირ საქართველოში გამოიწერეთ) ან არის სასურველ გადამზიდ კომპანიასთან, რომელთა ვებ გვერდებზეც ამოწმებთ სტატუსს საბოლოო მიღებამდე.

N.B. ხშირად მაღაზია უარს ამბობს ამერიკის გარეთ გაცემული ბარათით თანხის მიღებაზე. ჩვენ მაინც ვცდილობთ შეძენას და შედეგად თანხა გადადის ბლოკირებაში (ასე ვთქვათ იყინება) 1 თვით ან 45 დღით, გააჩნია სერვისის მომწოდებელ ბანკს.
თავიდან რომ ავიცილოთ მსგავსი ინციდენტი, სასურველია წინასწარ დავუკავშირდეთ მაღაზიას მეილის ან Live Help ფანჯრის საშუალებით (ასევე ნახეთ Customer Service-ში Shipping info და Payment Details) , რომ კონკრეტულად გავარკვიოთ ყველა დეტალი.